L'ultimo appuntamento
C'l artìcul chè 'l è scrit in Miranduléś |
At Last | ||
L'ultimo appuntamento | ||
La Kelly Lynch e Singleton in na figùra dal film | ||
'L ùlt'm apuntamènt 2005 | ||
---|---|---|
Regìa: Tom Anton | ||
Scritōr: Tom Anton • Sandi Russell | ||
Atōr: Mark Singleton • Kelly Lynch • Lara Grice Jessica Hecht • Marco St. John • M.C. Gainey | ||
Müsica: Jeff Faustman • T.J. Powell | ||
Léngua: Ingléś | ||
Dürä dal film: 95 minüt | ||
Nasiōṅ: Stat Unî |
L'ultimo appuntamento (’L ùlt'm apuntamènt) l'è na cumèdia rumàntica americàna dal 2005 ad Tom Anton trata da la sò stòria véra. L'è stada scrita da 'l regìsta insém a sò mujēr.
La pelìcula, giràda c'n un budget stimâ ad dū migliòṅ e mèś ad dòlar, l'è stada giràda in Luiśiàna.
Sunt
Mark Singleton (Martin Donovan) 'l è 'n vendidōr ad màchini uriginàri dal Midwest ch'l è andâ a star a New Orleans insém a sò fradèl più grand Earl (M.C. Gainey), pitōr bohémien. Chè al s è spuśâ cun la Laura (Jessica Hecht), na psicòluga in caréra fréda 'd caràtar, e 'l gh'à abû dū fiōi ma 'l sò matrimòni 'l è in criśi. Un dè al ricév da 'l Mìchigan, in du i vìv'n incóra sò màdar Carol (Brooke Adams) e sò pàdar Frank (Marco St. John), un pac cun dèntar dal sò létri vèci ch'al s mandàva cun la sò muruśìna 'd vint-sinc an prima, la Sara (Kelly Lynch).
A 'l óm a gh vîṅ vója 'd ciamàr-la dòp tant tèmp par savēr cum la stis, pò i decìd'n ad véd'r-as dabòṅ parchè 'l sentimènt ch'al i ligàva al gh'è incóra. Anc la Sara, asistènta suciàla, la n s la pasa minga bèṅ esénd ch'la litga 'd cuntìnuv cun sò fiōla e l'è stufa dal sò marè imbariagòs, Chris (Michael Arata). Fra i dū a nas incóra quèl.