Gian Giacomo Mora
Aspetto
C'l artìcol chè 'l è scrit in
Carpśàn |
![](http://chped.net/https/upload.wikimedia.org/wikipedia/commons/thumb/6/65/1798_-_Milano%2C_Castello_sforzesco_-_Corte_Ducale_-_Lapide_della_Colonna_Infame_%281630%29_-_Foto_Giovanni_Dall%27Orto%2C_24-Sept-2007.jpg/260px-1798_-_Milano%2C_Castello_sforzesco_-_Corte_Ducale_-_Lapide_della_Colonna_Infame_%281630%29_-_Foto_Giovanni_Dall%27Orto%2C_24-Sept-2007.jpg)
Giàn Giàcum Mòra 'l era 'n barbēr ed Milàn giustisiê in dal 1630 in sìm' a la rôda dòp 'd èser stê acusê insèm al Guliélum Piàsa 'd èser 'n untôr edla pésta 'd cal periòd lè dèint'r in Milàn: infàti in dal dedré dla só butéga al tgnìva dal butiglièti 'd unguèint p'r al só mistēr 'd barbēr, mo tant al bastéva per giudichèr-el culpèvol. La só cà la gnìva tirèda śò e in dal só post a vgnìva tirèda su la Culòna Infàṁ, butèda pò śò in dal 1778. La só stòria la gnìva cuntèda da 'l Alesànder Manśòun in dla só Storia dla culòna infàm.